nuut blaad aangemaak

ich höb ein nuut blaad aangemaak: nuuts

Advertenties

St.Rosa runj

St.Rosa Runj

Bekans 40 jaor geleeë, in 1977 woort de grote St.Rosa Runj in Zitterd gehawte.

Vruiger waar ’t de geweunde óm deilnummesj  aan ‘ne fitswedsjtried te laote ómkleije bie de luuj thoes. ’t Gouf toen nog gein rennesjbösse en ze verdeinde te wenig óm nao ein pensioon of hotel te gaon. Ich woonde doe veuraan oppe Leijebroukerwaeg.

Zo passeierde ’t dat ‘r aan de paort woort geklop en ‘ne sjmale, lankhäörige jóng vroug in ein Gelders dialek of hae zich biej ós urges koosj ómkleije. Ich haw get mitliej mit häöm en leit häöm en ziene fits door de paort en wees ‘m  de waeg nao ós wirkes. Dao lag ich ‘m ouch nog zeip en handjdouk gereid naeve de wesjbak.

Noe wós ich van fitserenne aeveväöl es van fierljeppe en ich haw de jóng ouch neit nao ziene naam gevraog.  Mer hae sjtèlde zich zelf veur es Henk Lubberding en leek get gepikeierd, wie ich gein teike van herkènning gouf. Ich dach dat hae zenewechtig veur de runj waar en wunsjde häöm väöl  sukses wie hae oppe fits nao de sjtart góng.

Twee en ei hawf oer later koum d’r trök en hae haw de runj gewónne!  “Weten jullie nu wie ik ben?”, vroug hae nogal pritsj.  Hae wesjde zich flot en vertrók zónger danke of daag te zègke.

Miene naober dach dat ich ’t ” sjoud “ waar dat dae Lubberding gewónne haw. Mesjiens haw hae zich geërgerd dat veer häöm neit herkend hawwe.

’n Jaor later wón daezelfde sjpichtige lankhäörige jóng de Touretappe nao Pau!

 

23032015©johnhertogh